今次嚟係同朋友食埋Dinner嘅，Main Dish叫咗安格斯肉眼扒配烤薯5成熟🥩同波士頓龍蝦意粉🍝 個意粉超足料😳 個底係用蕃茄去炒，然後再加埋好多嚿 啖啖龍蝦肉😍
另外仲叫咗個Egg Benedict配煙三文魚+牛油果🥑 呢個配搭唔洗講都知超好食🥹🥹 而且係俾佢個樣吸引咗🤣
Snacks呢～炸魷魚圈配黑松露蛋黃醬，雖然相比其他冇咁特別，但都係有質素嘅👍🏻 不過另外一碟奶酪醬烤糯米釀雞翼🐥真係幾特別！咬開釀咗嘅雞翼好滿足🤤 （不過食落係有少少辣🤏🏻 如果食返喺餐牌註明就更好😉）
食完嘢點少得甜品🤭 一份甜品已經滿足唔到我哋～ 首先叫咗個Tiramisu，佢應該係即叫即砌嘅！咁樣啲手指餅就唔會係預先浸到淋晒👍🏻👍🏻 而且咖啡味超濃🤤 提拉米蘇愛好者認證😆🤎
仲有一份叫「斯人若彩虹，遇見方知有」嘅嘢😂😂 其實即係榛子醬+士多啤梨+棉花糖烤麵包🍞🍫 本身睇佢個樣冇乜特別🤔 點知超好食！！！啲榛子醬同麵包一齊焗 滲透咗落啲包之餘個邊仲脆脆地🤤 而且上面嘅士多啤梨🍓係出奇地甜😱（我本身係唔鍾意食士多啤梨😂）但係佢揀啲全部都係一啲都唔酸！讚👍🏻👍🏻
我同兩個朋友都覺得呢間實在太高質🥰 仲要喺K11Musea嚟講 佢性價比真係算高👍🏻 （感覺其他都係貴夾唔飽嘅餐廳🥲）下次嚟開Musea可以再Encore～
