Tommy Yummy (翡翠中心)

是日去睇演唱會，見仲有少少時間就向搭車前搵下食，朋友揀咗呢間打卡嘅泰菜。

朋友叫咗泰式奶茶，自己就叫咗杯粉紅椰子水，幾靚，係椰子水加咗啲啲荔枝味糖漿，都fresh

沙律叫咗無花果煙三文魚沙律，花花設計，連個汁都粉紅勁夢幻。算幾足料，煙三文魚同無花果份量幾多。

小食嘅蝦餅幾大件，蝦又多，味道唔錯。重點係個醬，辣辣地幾開胃

主菜係虎蝦海鮮混亂杯麵，造型吸引咗我嗌，麵嘅調味ok，海鮮份量都多。

芒果糯米飯是個must，芒果多肉夠甜，糯米飯軟硬適中，加埋個雪糕滿足哂。