狂野麻神麻辣火鍋 (Closed)

上網見到好多人介紹喱間台灣麻辣火鍋，雖然我唔係好食得辣，不過睇佢啲相都覺得幾吸引，book左位黎試下先✨🔥食物🔥海鮮二人餐$888+$70鴛鴦湯底〽️湯底是麻辣湯加花膠雞湯，店員先叫我哋先下花膠湯底，雞味好香濃，清甜😋花膠是爽口口感～麻辣湯底唔會覺得好油膩，辣味唔會嗆口，我都還可以食到嘅，仲有我最鍾意嘅鴨血，好Q彈❗️〽️海鮮基本上我全部都鍾意食💕紐西蘭蟶子皇：好厚肉，爽口。南非六至八頭鮑魚：𠝹好了一格格，新鮮好大隻，滿足嘅口感☺️番薯蜆，刀貝：味道鮮甜，冇沙。〽️迷你牛肉盛：牛肉油脂好靚，都幾香濃牛肉味，特別喜歡是雪花一口牛，整體有驚喜👍🏻韭菜餃，魚皮餃大大粒脹卜卜；牛肉丸，豬肉丸食得出是手打，特別彈牙😋烏龍麵我朋友好鍾意食，啲面真係好滑溜，唔錯～如果男仔嚟到都一定夠飽😂時蔬拼盤：南瓜/粟米/娃娃菜/冬菇…….仲有冰菜等，好新鮮😳椒鹽豆腐粒：炸得粒粒金黃色好香脆，椒鹽好惹味，不過鹹咗少少🤏水果茶：入邊真係勁多唔同嘅生果，打邊爐飲水果茶真係好適合。💥環境💥地方都幾大，主要都係卡位為主，座位同枱都好闊落，夜晚差唔多坐滿場但係都唔會覺得有油煙感❗️💥服務💥服務員好有禮貌又細心，有少少似去咗酒店嘅感覺。