香港小熊

Open Now

Now Closed

今日尖沙咀放工，太疲累有點肚餓，想買啲嘢食同嘢飲。見到間香港小熊，俾啲bear bear吸引住，門外裝修好得意，忍唔住入去買個蛋糕同嘢飲先。芒果冰檸店內推介呢個叫Mojito collection 好似好正咁，我揀咗芒果冰檸，主要材料有芒果、檸檬、四季春茶。飲落去甜甜酸酸，有芒果肉、四季春茶好清新，提神解悶。楊枝甘露我朋友揀咗少甜少冰，入邊材料豐富，有啲芒果粒粒，西米係大粒嗰啲，仲有柚子粒粒，感覺唔錯，朋友的評語不錯，飲完仲有啲飽肚感添。粒粒朱古力爆漿蛋糕（半件）面層已鋪滿朱古力粒粒，而最正嘅就係喺中層有濃濃的朱古力爆漿，落重料，有非常香濃朱古力味，是朱古力Fan的至愛。