和牛燒肉一郎 (寶漢大廈) (Closed)

放寬晚市堂食後第一次食燒肉放題，揀咗「和牛燒肉一郎」銅鑼灣店$348嘅A餐（星期五六日：$398）。除咗定量嘅小舟.盛合，仲有57款食物任食。小舟盛合有牛肉、豬肉、海鮮、蔬菜，賣相吸引。牛里脊肉味較重，而牛肋肉油花則比較豐富，口感更軟嫩。牛肋條有多少少筋位，相對有咬口，但會更加厚身難燒。扇貝同蝦肉都算鮮甜，🦐可以任食。牛里脊、牛肋肉都值得encore。牛舌容易燒得香脆，又一啲羶味都冇，好值得試。雞腿肉口感嫩滑，雞皮又燒得香。蔬菜方面推薦燒冬菇，好味又唔易燒燶。自助corner有沙律、飲品、甜品、爆谷，仲有日本雪糕雪條😍😍😍。📍和牛燒肉一郎 (寶漢大廈) (銅鑼灣)銅鑼灣波斯富街24-30號寶漢大廈2樓