「燒肉×火鍋Crossover雙重放題」
晚市分咗3個價錢，A係最平，星期六日都係$138@1位。如果想食埋刺身就可以選擇B，$168@1位。如果選擇A / B都要7點前離座。C嘅彈性就最大，$238@1位。而我地就選擇咗B，包埋刺身，五點入座，食120分鐘。
1
安排入座後見到一張枱有一個燒肉鐵板，同一個電磁爐。食物、飲品基本上都係自助，一開始食物區係好多人，有食自助餐嘅氣氛。
我地首先拎咗燒肉嘅食材，再去開個火鍋。火鍋湯底有幾款，我地斟咗豬骨湯，味道清清地，用來煮下蔬菜、菇類，平衡返燒肉嘅油膩感。
飲品方面，店家有自家製冷泡花茶，茶香芬芳味道濃郁，解膩。
刺身大約有7款選擇。其中阿根廷紅蝦大大隻肉厚，口感彈牙，encore好多次！
