南小館 (Closed)

其實去南小館食已經不下5次，照計要讚都已經讚左。尋晚試完衫唔知食咩好，剛醒起銀包有一張coupon，食滿＄150可以減＄50，梗係唔好嘥啦，慳得一蚊得一蚊嘛😂牛𦟌湯每次黎我都必叫，因為牛𦟌好淋，肉湯濃味😋然後今次試左一個未食過的「鮮蝦帶子小籠包」!一上枱我同男友O曬嘴，因為冇諗過佢係用綠色的皮😂食落冇一貫小籠包咁漏，比較清D，但反而可以食多幾隻👍🏻👍🏻👍🏻最後，要讚一讚呢個冷盤「薑茸雞」！ 係我今次特登落筆寫評的原因！整碟雞被炸薑茸覆蓋住，薑茸與雞一起吃，味道洽到好處！薑茸好乾身及有少少咸味，引唔住食完雞還要夾起薑茸往嘴裏去😂😂😂