花火和食 (Closed)

好耐無嚟紅磡搵食，今日行下呢間一田，發現樓上有餐廳，見到環境舒適又乾淨，一於試一試。帶住小朋友，原來有學生餐，menu好吸引，揀咗「芝士漢堡蝴蝶蝦飯」咬開漢堡扒，裡面熱辣辣嘅芝士都湧出嚟，塊扒厚切，配埋個汁，好味👍🏻「炭燒雞扒烏東」湯底好多選擇，我就揀咗豚骨湯底，味道唔錯，飲埋湯都唔覺味精又唔口渴。「海膽蟹蓋」有兩件，好香蟹味😋「和風唐揚炸雞」咬入口仲好多肉汁，唔會炸到好乾。「胡麻蕃茄沙律」沙律菜入口好爽脆新鮮，配蕃茄原來都好正，好健康。重點係價錢真係好抵食。滿意滿意...