賀喜 (美孚新邨) (Closed)

黎到美孚睇樓，順便食埋晚飯先返屋企，左揀右揀，最後決定食日本野。叫賀喜嘅小店，似乎新開不久？所有野都好新淨。晚市定食餐有數十款，點了御膳B同J，好，等食了。第一個餐嘅刺身三點，是晚有三文魚，吞拿魚，同大蝦，厚切新鮮，正。另一個餐跟賀喜招牌卷，係鰻魚反卷，內面夾左牛油果、甜蛋等，口感豐富，不錯吃。安格斯牛柳粒石窩飯，上枱時好香呀，咋咋聲好吸引！等一陣加入醬汁撈撈撈，飯焦正呀，調味不錯，滿滿一碗好飽呀。跟餐嘅麵豉湯，下面嘅係石窩飯嘅醬汁。另一個餐要了豚肉泡菜鍋，一個鐵鍋放得滿滿的，豚肉很多，仲有菇，娃娃菜，翠玉瓜，紅蘿蔔，豆腐等，湯底清甜無乜油，感覺好健康，有菜有肉呀。跟鍋嘅白飯，好大碗。點餐仲有甜品，是晚係蕨餅，軟腍但又有點煙韌咁，好香芝麻，甜度適中好味喎。問過店員，如果要外賣，要27蚊4粒。埋單～一人一個餐實在太飽了，好多飯，好大份量！