相撲手日式放題 (Closed)

從來都唔寫食評的我，今次忍唔住，都要將事實寫出來，希望大家唔好再俾呢間野搵笨。佢地之前的食評都唔錯，點之搞團購，又應付唔黎=趕客。入座一片混亂，張櫈污穢到冇人有。食物叫了好耐都唔黎。魚生唔新鮮，牡丹蝦超難食。壽司都好一般。熟食仲差，牛油煮蜆超多沙。天婦羅又凍又厚粉，串燒凍既，牛肉冇味，蒸蛋冇蛋味。只有個烏東可以接受---茶餐廳質素。餐廳環境超差，垃圾車係你隔離周圍轉，送餐的盤係你頭上過。我地2小時放題未夠鐘已經走了！我勸大家千祈唔好帶另一半或家人去食或慶祝任何節日，簡直係俾錢買難受！唔好咁笨！