UMI

Open Now

Now Closed

今日跟朋友來到呢間位於銅鑼灣宇宙商業大廈13樓嘅UMI探店，入到去被前面對住嘅銅鑼灣海旁美境吸引住，呢個靚海境位肯定係睇煙花或放無人機嘅最佳觀景位置。餐廳嘅設計係走工業水泥風，時尚型格，而且係一間西日嘅fusion餐廳。🍽️ M5和牛壽喜燒溫泉蛋意大利飯呢個用忌廉蘑菇汁做嘅意大利飯好creamy, 上面鋪滿充滿壽喜燒汁嘅和牛，而且和牛份量一啲都唔少，和牛的鮮嫩與壽喜燒的甜咸醬汁，增添咗濃郁的日式風味，兼有埋隻流心溫泉蛋，更增添咗呢道菜嘅額外驚喜。🍽️ 七味薯條松露醬呢個薯條炸到好酥脆，而且加埋大量嘅七味粉，再點埋濃厚嘅黑松露醬，令到每條薯條都充滿濃濃嘅黑松露味，口感層次更昇華。🍽️ 薄荷朱古力牛角窩夫呢個甜點絕對係打卡之選，兩大舊薄荷朱古力雪糕，重有埋厚濃嘅朱古力brownie同埋鬆脆嘅牛角窩夫喺雪糕底，簡直係清爽和濃厚口感嘅結合。🍹 蝶豆花香梨汁好喜歡碟豆花嘅顏色，令到整杯飲品外觀都好靚，再加上香梨梳打的清甜，絕對啱晒打卡。🍹 白桃柚子茶白桃嘅清香融合埋柚子嘅清新，飲落有啲酸酸甜甜，夠晒清爽，好啱夏天飲。