安平燒肉

Open Now

Now Closed

一行二人嚟到旺角呢邊食燒肉，人均$388就可以食到M5和牛食到飽。餐廳係朋友介紹，佢之前食過晚市覺得幾好食，所以午市90分鐘限時就會抵食啲啦。一入到餐廳周圍嘅環境都好乾淨，連個燒烤爐都特別襟污糟，燒咗成個下晝都唔覺得太燶。見到枱面有四五款汁，竟然有檸檬汁，用嚟點海鮮或者m5牛就冇得頂！我個人除咗鍾意食佢個M5牛之外，其實安格斯牛、雞髀肉、帶子、牛舌心都係我極力推薦！雖然佢自選菜㗎，只係得幾款蔬菜類，但係主要嘅肉類食物都已經好豐富。呢個M5和牛餐，套餐包括左三大款牛類嘅選擇、海鮮類、雞肉、台灣小食及粉麵，只要掃QR code， app上面有嘅可以叫嘅都可以食！附送嘅甜品仲要係新出嘅馬卡龍Häagen-dazs 雪糕🤭🤭🤭另外除咗環境乾淨，餐廳真係幾貼心，會提供即棄口水肩，而且都好意外，食完燒肉之後，個身竟然冇乜味，唔知係咪因為我坐門口位呢。