18樓雞煲火鍋專門店

Open Now

Now Closed

餐廳個名好得意，叫18樓雞煲火鍋，原來佢真係喺18樓，另外一間分店喺荃灣都係18樓。睇嚟如果佢要再開分店，都幾難搵返18樓嘅舖位。哈哈。餐廳主打係雞煲，然後可以嗌埋其他火鍋材料打邊爐。雞煲嘅醬汁唔錯，味道好豐富有層次，而雞肉都好嫩滑唔會煮都老晒。唯一需要改善嘅就係可以將雞肉醃長時間少少，咁樣入邊就會更加入味。同埋可能我平時食得比較清淡，覺得個醬汁太多，有啲咸。同好多火鍋店一樣，除咗汽水，依家會有一啲台式飲品或者冷泡茶。非常推薦呢隻台灣冬瓜茶，有清香嘅冬瓜味，而且唔會太甜。響鈴同魚皮都好酥脆，值得一讚。