Video
Read full review
2020-03-02
122 views
超級多元化的燒肉放題我從來未見過燒肉放題可以有咁多選擇，真係大開眼界，本身諗住去燒下肉類，點知最後食左好多其他嘢，非常滿意！最Basic嘅燒肉放題種類約50款，個人覺得好味嘅有雞腎，金沙骨，牛小排，雞軟骨，都係釀得好入味，爽口新鮮，唔鞋皮，款式太多，試唔晒。見到有菜，本身諗住烤下佢，點知唔好食，最後原來發現可以打邊爐的，自行去拎一個煲，裝湯底就可以，太方便了。湯底仲有三款可以揀，我選咗香濃豬骨湯，非常不錯，順便可以淥下烏絲，冬菇，丸仔！刺身方面，最好味係牡丹蝦，非常有蝦味，沒有雪藏味，一連食咗幾隻，哈！本身到此為止，點知望吓望吓，發現原來仲有好多嘢食，要推介一下點心區，好少店舖有放題點心，仲要係好食，香菇燒賣比我拎到冇晒，好彈牙，超級好食！另外，仲有中菜區，個煲人參雞湯，我見倒原隻雞仲係個煲入邊，絕對冇揸流攤，飲落去當然好有雞味，必飲！要大贊一下溫泉蛋，一連食咗兩隻，半熟嘅程度剛剛好，好有水準！甜品，雪糕，飲品，啤酒，不在話下，俾我發現原來可以自配花茶，這個概念我實在太欣賞了，大概有10幾款花茶，你自行放到自己的茶煲，自己回座位慢慢沖茶，我選擇咗菊花類，非常芳香，最適合消濟！朋友鍾意飲
我從來未見過燒肉放題可以有咁多選擇，真係大開眼界，本身諗住去燒下肉類，點知最後食左好多其他嘢，非常滿意！
最Basic嘅燒肉放題種類約50款，個人覺得好味嘅有雞腎，金沙骨，牛小排，雞軟骨，都係釀得好入味，爽口新鮮，唔鞋皮，款式太多，試唔晒。見到有菜，本身諗住烤下佢，點知唔好食，最後原來發現可以打邊爐的，自行去拎一個煲，裝湯底就可以，太方便了。湯底仲有三款可以揀，我選咗香濃豬骨湯，非常不錯，順便可以淥下烏絲，冬菇，丸仔！
刺身方面，最好味係牡丹蝦，非常有蝦味，沒有雪藏味，一連食咗幾隻，哈！
本身到此為止，點知望吓望吓，發現原來仲有好多嘢食，要推介一下點心區，好少店舖有放題點心，仲要係好食，香菇燒賣比我拎到冇晒，好彈牙，超級好食！
另外，仲有中菜區，個煲人參雞湯，我見倒原隻雞仲係個煲入邊，絕對冇揸流攤，飲落去當然好有雞味，必飲！
要大贊一下溫泉蛋，一連食咗兩隻，半熟嘅程度剛剛好，好有水準！
甜品，雪糕，飲品，啤酒，不在話下，俾我發現原來可以自配花茶，這個概念我實在太欣賞了，大概有10幾款花茶，你自行放到自己的茶煲，自己回座位慢慢沖茶，我選擇咗菊花類，非常芳香，最適合消濟！朋友鍾意飲啤酒，仲有日本清酒俾佢選擇，大讚！
總括而言，呢間餐廳可以符合你任何口胃，不同形式的菜款，實在太多元化了！
Post
