素食一家 (Closed)

今日跟一個食素的朋友出去食飯，所以揀左一間素食店，店內裝修簡單舒服，坐位亦好闊落我地叫左兩個前菜，齋滷味拼盤，應該係自制的，味道比出面的好！而海蜇手撕雞有雞肉一絲絲的感覺，海蜇好爽口紅燒野生竹笙素翅，同平時去飲的翅好似，素翅咬落去好有口感菠蘿咕嚕猴頭菇，一上碟的時候我覺得賣相同平時食的咕嚕肉有99%相似，食埋落去之後發覺連個味都好似，真係覺得素食好神奇，可以做到咁相似燒汁鰻魚炒飯，飯炒得好好，好香 夠乾身 粒粒分明，雖然味道比較清淡，但加上其他餸菜一齊食非常夾