Video
Read full review
2024-03-13
38 views
呢幾年好多做飲食業嘅都感嘆生意難做，但呢間餐廳係意外地受歡迎，去親都幾乎full house，成個場坐滿曬食客，非常熱鬧。（我係趁換枱時段先可以捕捉到餐廳環境，當日真係人頭湧湧）餐廳除咗主打豬串燒，仲包括其他種類嘅燒物同刺身，深受食客歡迎。當日唔係點咗好多款，都係旨在過下口癮。當日食咗款芫茜卷，好出色，中意食芫茜嘅應該明白芫茜太熟會影響香味，呢度用豚肉包裹住芫茜去燒，既可以確保入面芫茜唔會過熟，又可以balance返個油香同清新感。豚肉鵪鶉蛋都好邪惡，燒香嘅豚肉加埋鵪鶉蛋獨特嘅蛋黃香，成個味道升一層次。豬肝串個人覺得可以嫩身多少少，但味道係出色嘅。總結：出色嘅食物自然有人識欣賞，呢度就做到好好嘅示範，中意食日式串燒嘅可以黎呢度飲下酒食下串燒，推薦
餐廳除咗主打豬串燒，仲包括其他種類嘅燒物同刺身，深受食客歡迎。
當日唔係點咗好多款，都係旨在過下口癮。當日食咗款芫茜卷，好出色，中意食芫茜嘅應該明白芫茜太熟會影響香味，呢度用豚肉包裹住芫茜去燒，既可以確保入面芫茜唔會過熟，又可以balance返個油香同清新感。
豚肉鵪鶉蛋都好邪惡，燒香嘅豚肉加埋鵪鶉蛋獨特嘅蛋黃香，成個味道升一層次。
豬肝串個人覺得可以嫩身多少少，但味道係出色嘅。
總結：出色嘅食物自然有人識欣賞，呢度就做到好好嘅示範，中意食日式串燒嘅可以黎呢度飲下酒食下串燒，推薦
Post
