香港超級出色中式私房菜
平均等兩年並非浪得虛名
咁好味🤤 價錢都唔簡單，價錢都唔簡單
好值得去試👍🏼👍🏼👍🏼
服務態度好、環境靚 、免開酒費
每道菜都滿分💯
🫶🏻芥末麻香花膠
呢款係開胃小食 用上精華湯去烹調花膠
但係食落又唔會太腍身
估唔到凍食花膠都可以彈牙得嚟好易入口
就咁聞個陣麻油味真係好香 似出前一丁個陣味 但食落唔會蓋過花膠陣味
骨膠原level up 😍😍
反而加咗蔥 會 cover 返花膠嘅原味😂
🫶🏻冰鎮南非鮑魚
超級好食👍🏼煙韌度啱啱好，唔會太硬
接待員親自提我哋用筷子食係會滋味啲
果然是對的！
嗰個醬汁令我諗起半島酒店自助餐嘅秘製鮑魚
相比之下，今次嘅鮑魚質料高質 而且唔會太多醬汁，食落口感好清 唔會多餘😼
🫶🏻山東手撕燒雞
個醬料真係好好味，佢令我諗起口水雞
同時食到嗰陣麻味又會諗起醃製滷水嘅花椒
肉質好好味
🫶🏻哈蜜瓜爵士湯
足料靚湯 分咗幾個階段熬足16個鐘
暫時飲過最好飲嘅爵士湯
哈密瓜🍈放咗落去個湯真係好甜
被形容係啫喱咁嘅哈密瓜😂 好犀利 每塊哈密瓜可以唔碎完整無缺
連金華火腿都勁軟身 想像到呢16個鐘冇白曬
🫶🏻賽螃蟹粉法飽💯
最愛呢道菜😍
用上30隻蟹去整呢度菜夠瘋狂😝
賽螃蟹粉真係超香
蟹粉配上淨焗法包已經好味🤤 呢個配搭突顯蟹味，呢個食法真係好聰明
完全冇諗過仲可以配上雙邊蒜蓉包，就咁食都覺得好好味 🤤
撈埋啲蟹粉落炒飯都勁香口
仲額外提供唔同醋 意大利醋配法包😍
🫶🏻黃金瑤柱炒飯
個炒飯唔會太油 炒得色水幾靚 味道都好香👍🏼
唔錯！
🫶🏻鮮頭刀咕嚕肉
聽講啲梅頭肉肉係咗第一刀
外脆內腍 個皮脆卜卜
一刀切完咕嚕肉 可以好清晰咁樣見到一塊肉嘅橫切面
同平時普通餐廳食開嘅咕嚕肉完全係兩個層次
呢咕嚕肉真係美源髮彩 冇得彈～
仲有新鮮菠蘿 浸過鹽水 👍🏼 至少食完唔會身痕
上湯有機菜遠
連菜心都勁好食🤤
老陳皮紅豆沙
配私房芝麻湯圓
用咗40年老陳皮 好大陣陳皮味超香
仲有好多蓮子
連碗紅豆沙都特別好食 😍
超誇張
