鴻啤啤串燒 (Closed)

今日特登約咗幾個朋友傾吓生意嘅嘢，咁就揀咗呢間吹吓水！其實之前朋友已經推薦過，所以都係好期待😉😉一入去，見到環境就是非常適合聚會！除咗座位好寬闊，枱同枱之間唔會好近，舒適嘅空間感！我哋叫咗少少嘢食，最主要係吹水🤪 但點都估唔到有驚喜！一夜干馬友啲魚肉好嫩滑，唔會好啱，好新鮮嘅感覺！外脆內鮮，外邊脆皮好香口👍🏾性價比高😆汁燒原隻魷魚筒魷魚筒燒得好好食！真係好足料，大大條，但意外地肉質好彈牙，好啱口痕口悶品嚐，配啤酒一流呀😆😆😆整體來講，呢一間鴻啤啤串燒真係好啱我心水，無論餐廳嘅設計環境裝修，定係呢度嘅食物質素，都係非常高質！特別推介嘅就係呢一個一夜干馬友❤️大家都不妨一試！