滿和韓國料理 (Closed)

5月4日同阿媽, 家姐等人去食, 晚市任食HK$98再加一. 一入門口已經見好靜. 好舊,　算啦，　因為家姐訂左位，　咁我話Ｘ小姐訂左６位，　佢就帶我去坐低。　　點知等左一陣唔見家姐，　打比佢，　先知我地去錯左地方，　應該係隔離大廈個間，　死火，　不過開左爐，　唔走得，　唯有叫家姐過埋黎　（佢係個邊未開爐）。　　環境差，　碗筷痴立立，野食賣相麻麻，　味道真係勁唔得，　一係無味，　一係得咸味，　一Ｄ韓式風味都無。　　連最基本既泡菜　。。。　係淺灰色架，　好恐怖，　唔敢食。　　另外有Ｄ丸呀，　粟米比人放湯，　一樣難食都暈，　好明顯係入Ｄ好平既貨。　　甜品生果就見到都驚，　試左一小啖棷汁榚，　勁重雪櫃味。　Ｄ涼枌，一Ｄ冰都無架。　見有蕃薯糖水，　一試，　想嘔。　　唔明點解佢地重可以生存，　完全係無心經營，　一Ｄ誠意都無既餐廳。　最慘係，　食物唔新鮮，　食完禽晚家姐同我都肚痛，　好彩只係輕微攪肚。　　咁既餐廳，　應該消失啦。　　成晚得三枱客，　而且好肯定有一次無下次。。。　點做呀。　　負１０分。