Video
Read full review
2021-08-21
1244 views
設計與理想當然有分歧，一餐下午茶終於令我明白了。是源平日半天假期，去了上次（2021年4月份）印象不錯的荃灣廣場稻坊，諗住食下點心，去到原來下午茶碟碟$18，似乎都幾吸引，所以就攞位入座。是日嗌左6樣點心如下：蝦餃皇南乳炆豬手美極日本紅鮮魷人氣鮮蝦腸烤焗叉燒酥香煎甜薄撐蝦餃不過不失，除咗個皮厚啲之外個蝦餡都算唔錯, pass。南乳炆豬手，未到OK，pass。美極日本紅鮮魷，見圖，只有2隻半，一隻斷腳咗唔知去咗邊，粉絲飛晒出嚟，味道偏鹹，買相嚟到我以為係廚餘，fail。烤焗叉燒酥，我以為係咬落去脆脆地嗰啲，點知一咬落去食成口油淋淋，我估佢應該係炸叉燒酥，佢仲要話自己係烤焗美點，搵笨！如果唔係冇叉燒包叫，都唔會揀佢，fail。蝦腸，除咗啲皮厚啲，飽肚啲，味道都幾好，$18算係抵食，pass。香煎甜薄撐，呢個真係火滾，個皮厚都算數，個皮有筷子咁厚（雖然佢叫做薄撐，我以為係薄皮嗰啲），諗住個味好都唔緊要，點知一咬落去，冇甜味，只有椰絲同芝麻味，我以為可能我食薄撐尾個舊D糖撈唔混，咁咪食中間嗰舊睇吓會唔會唔同味，點知係一樣味。千呼萬喚搵咗位待應黎問吓，佢個對答簡直係冇得頂！「唔好意思，呢個甜薄撐
是源平日半天假期，去了上次（2021年4月份）印象不錯的荃灣廣場稻坊，諗住食下點心，去到原來下午茶碟碟$18，似乎都幾吸引，所以就攞位入座。
是日嗌左6樣點心如下：
蝦餃皇
南乳炆豬手
美極日本紅鮮魷
人氣鮮蝦腸
烤焗叉燒酥
香煎甜薄撐
蝦餃不過不失，除咗個皮厚啲之外個蝦餡都算唔錯, pass。
南乳炆豬手，未到OK，pass。
美極日本紅鮮魷，見圖，只有2隻半，一隻斷腳咗唔知去咗邊，粉絲飛晒出嚟，味道偏鹹，買相嚟到我以為係廚餘，fail。
烤焗叉燒酥，我以為係咬落去脆脆地嗰啲，點知一咬落去食成口油淋淋，我估佢應該係炸叉燒酥，佢仲要話自己係烤焗美點，搵笨！如果唔係冇叉燒包叫，都唔會揀佢，fail。
蝦腸，除咗啲皮厚啲，飽肚啲，味道都幾好，$18算係抵食，pass。
香煎甜薄撐，呢個真係火滾，個皮厚都算數，個皮有筷子咁厚（雖然佢叫做薄撐，我以為係薄皮嗰啲），諗住個味好都唔緊要，點知一咬落去，冇甜味，只有椰絲同芝麻味，我以為可能我食薄撐尾個舊D糖撈唔混，咁咪食中間嗰舊睇吓會唔會唔同味，點知係一樣味。千呼萬喚搵咗位待應黎問吓，佢個對答簡直係冇得頂！
「唔好意思，呢個甜薄撐冇甜味，唔知係咪啲師傅冇落糖呢？」
「係咁㗎喇，太甜唔好啊，依家啲人唔鍾意食咁甜。」
我心諗，你個名叫甜薄撐喎⋯⋯
「如果係咁，麻煩你幫我取消佢啦。」
「你都食咗兩舊啦！」
其實我只係食咗三啖，只不過分開咗2舊咬。
「我以為尾個舊啲糖未撈混，咪試中間嗰舊睇吓啲味係咪唔一樣囉。」
該侍應二話不說晦晦氣氣收咗我碟甜薄撐掉咗落去碗碟收集車到，之後行咗去⋯⋯冇任何回應⋯⋯
O咀了
如無意外，應該唔會再幫襯。
美極日本紅鮮魷
$18
22 views
1 likes
0 comments
美極日本紅鮮魷
$18
15 views
0 likes
0 comments
Post
