Big Bang Don

想講明明已經9月尾，香港仲係好熱🫠炎熱嘅天氣下就最岩食壽司/魚生呢啲嘢，咁岩係旺角行街行到餓就試下呢間之前朋友推介過嘅「爆丼屋」先！

我哋叫咗：
🔸三色海膽盛丼
鋪滿左三款唔同嘅新鮮海膽（北海道、加拿大、韓國）海膽入口即溶超級creamy，而且份量超超超多，真心係爆丼，名副其實，啱晒鍾意食海膽嘅人！

🔸䫨沢三昧盛丼
如果覺得淨係食海膽太膩，都可以試吓呢一款：有牡丹蝦、蟹肉、海膽。蟹肉好鮮甜有驚喜，牡丹蝦勁大隻好有誠意！

整體嚟講性價比中上，推薦大家嚟試～鋪頭環境乾淨企理，岩曬同朋友行完街坐低慢慢食傾陣計。Menu上丼飯嘅選擇非常多，有唔同嘅魚生丼之餘仲有唔少熟食丼嘅選擇，例如燒牛肉/鰻魚丼，大人細路都有嘢岩食！