神輿日本料理 (Closed)

放假前夕，約埋家人出去食好東西，阿媽、細佬最愛是日式食物，老豆就最怕食生野，就得二個，就唔到一個，有選擇困難症。難得大家心情開懷，食得要飽滿的，又可以照顧到一家人的胃口，我提議食日式放題，又有魚生，熱食，包保一家人啱食。走進餐廳門口，見到裝潢設計，好有日本色彩，乾淨俐落、寬廣又舒服。二小時內任飲任食，多種食料，任由選擇，上食物的速度都好快，未食已上，總之，檯面上總是擺得滿滿的食物，絕無冷場。魚生拼盤，有多種不同的刺身，隨意任點，每款都新鮮又鮮甜，海蝦彈牙爽口，帶有海水味，油甘魚，入口即溶化。炒鰻魚飯，都是我的至愛，入口香濃，熱辣辣，鰻魚的鮮味，燒汁滲入每粒米飯內，味道可口。燒羊架，睇到都流晒口水，燒得好香口，外脆內軟，帶有肉汁，肉質嫩滑，只是有點騷味。天婦羅，即叫即炸，卜卜脆，一點都油膩，榴槤球，夠香口，一口咬下，榴槤cream流出，香氣撲鼻。焗芝士蝦，成隻蝦蝦面都鋪滿了芝士沙律醬，芝士香濃，沙律醬甜酸，不同味道得層次，蝦肉彈牙爽口，配左芝士、沙律醬，又另一種味道，好吸引。