年近歲晚特別珍惜同家人朋友的聚會，早前襯仲有晚市的時候衝去想食好耐嘅莆田，之前喺地鐵見到廣告正推行海蠣節，大大個海蠣煎已經覺得勁吸引，這餐福建菜果然冇令我哋失望😋✨
新春盆菜 (4人份)
用料豐富又高級，大大粒鮑魚瑤柱，肥葵海蝦，鮮甜花膠，海參花菇，食到底部仲有娃娃菜燒肉同蘿蔔等，每樣都炆得好入味👍
🦪傳統海蠣煎
成個海蠣煎煎得金黃香脆，內餡香滑柔軟不油膩，海蠣新鮮唔會腥，沾一點莆田自制的辣媽醬，非常之惹味😋✨
🐟軟煎黃花魚
條黃花魚好大條😵魚皮微微煎香，魚肉依然幼滑，再淋上醬汁非常搭配。
酥炒芋芯
喜歡食芋頭的人千萬不要錯過的一道菜！以農家傳統方法炒製芋頭中的上品「檳榔芋」，外層有一層糖衣脆皮包裏，口感外酥內軟、鹹中帶甜好特別。
🍜莆田汰麵
第一次見到粉紅色的湯底咁特別，原來係由紅菇天然的顏色滲入，加上豐富材料如蝦、蜆等，味道鮮甜。
🥣莆田扁肉湯
這個扁肉湯從皮到餡都是肉做的，係有豬後腿肉經過12000次手工捶打成皮，皮薄0.5mm有如紙薄，食落彈牙有啲似魚皮餃嘅感覺，但係就皮薄好多好特別。
📍鑽石山龍蟠街3號荷里活廣場2樓214舖
