呢排做嘢忙咗好多，
一於趁機開心放鬆吓🤗
上·九宮格 ⭐️⭐️⭐️⭐️⭐️
揀呢間燒肉餐廳，
正正係俾呢個九宮格吸引到，
可以同時間試齊9款唔同嘅牛肉，
一個九宮格已經係二人份量，
所以真係真心超抵食！
推薦肉質爽彈嘅厚切牛舌，
老實講食燒肉真係唔可以冇牛舌🤣
其次就係一口和牛，
鍾意食牛嘅唔好錯過！
壺漬牛肋肉 ⭐️⭐️⭐️⭐️⭐️
食九宮格嘅好處就係，
覺得邊款肉好食可以再encore一份✌🏻
同事好鍾意食牛肋肉，
尤其呢度嘅牛肋肉有嚼口得嚟唔會太過煙靭，
而且壺漬調味一流，
所以真係忍唔住獨立再嗌多份😆
和牛壽喜燒 ⭐️⭐️⭐️⭐️⭐️
呢度嘅和牛壽喜燒儀式感滿滿，
店員會喺你面前將和牛燒好，
然後配埋一啖飯，
再加上黑松露醬汁一齊食👏🏻
韓式燒牛大腸 ⭐️⭐️⭐️⭐️
自從喺韓國食過真係念念不忘，
呢度嘅牛大腸亦會有店員親自幫你燒，
燒起上嚟真係需要好多功夫！
燒嘅時候會見到啲脂肪迫晒出嚟，
可能我平時都重口味，
所以唔會覺得好油膩！
建議燒嘅時間可以耐多少少，
咁樣牛大腸嘅外皮就會更加香脆🤭
紫菜/蔥香月見飯 ⭐️⭐️⭐️⭐️⭐️
食燒肉點可以唔食飯，
配埋咁靚嘅生雞蛋更加吸引，
而且只係$29/碗好抵食😍
如果你係男士比較大食嘅，
推薦你叫紫菜月見飯，
因為真係超大碗🤣
7
