Video
Read full review
2025-06-05
95 views
上個禮拜520同男朋友慶祝，專登book咗荃灣呢間人氣串燒店「燒烤堂」。雖然最近成日北上搵食，但講真，燒烤堂嘅水準真係贏晒深圳啲串燒店！ 每張枱都有個小火爐，可以keep住熱住啲串燒，唔怕凍咗唔好食。今次試咗好多款，樣樣都高水準，連平時對食冇乜要求嘅男朋友都話要encore！ 🧀 芝士和牛一口飯店員會拎住成塊芝士喺你面前即磨，視覺效果滿分！和牛油脂香濃，配上流心蛋漿同拉絲芝士，入口超級邪惡，食完真係想再叫多客～ 🐮 中切鹽燒牛舌芯我係牛舌忠實fans，呢度嘅厚切版本真係無得彈！咬落去彈牙得嚟又juicy，鹽燒調味啱啱好，唔會過鹹。 🥩 A4宮崎和牛、鹽燒牛小排入口即溶嘅口感真係冇得頂！簡單鹽燒已經帶出和牛嘅鮮味，貴係貴啲但絕對值得試～ 🦪 蒜蓉牛油酒煮蜆新鮮蜆肉肥美，蒜蓉牛油汁攞嚟點麵包。超正！🍆 孜然燒蒜蓉茄子原條茄子燒到軟淋淋，蒜蓉同孜然粉嘅配搭超惹味，帶少少辛辣，食落好過癮～ 🐔 明太子雞腿肉雞肉燒得嫩滑，面頭嘅明太子醬鹹香帶微辣，味道濃郁但唔會膩～ 🐖 韓燒泡菜五花腩咬落啖啖肉，泡菜嘅酸辣味滲入肉度，開胃又香口！ 🦪 蒜蓉燒生蠔生蠔size夠大，燒完都唔會縮水。面
每張枱都有個小火爐，可以keep住熱住啲串燒，唔怕凍咗唔好食。今次試咗好多款，樣樣都高水準，連平時對食冇乜要求嘅男朋友都話要encore！
🧀 芝士和牛一口飯
店員會拎住成塊芝士喺你面前即磨，視覺效果滿分！和牛油脂香濃，配上流心蛋漿同拉絲芝士，入口超級邪惡，食完真係想再叫多客～
🐮 中切鹽燒牛舌芯
我係牛舌忠實fans，呢度嘅厚切版本真係無得彈！咬落去彈牙得嚟又juicy，鹽燒調味啱啱好，唔會過鹹。
🥩 A4宮崎和牛、鹽燒牛小排
入口即溶嘅口感真係冇得頂！簡單鹽燒已經帶出和牛嘅鮮味，貴係貴啲但絕對值得試～
🦪 蒜蓉牛油酒煮蜆
新鮮蜆肉肥美，蒜蓉牛油汁攞嚟點麵包。超正！
🍆 孜然燒蒜蓉茄子
原條茄子燒到軟淋淋，蒜蓉同孜然粉嘅配搭超惹味，帶少少辛辣，食落好過癮～
🐔 明太子雞腿肉
雞肉燒得嫩滑，面頭嘅明太子醬鹹香帶微辣，味道濃郁但唔會膩～
🐖 韓燒泡菜五花腩
咬落啖啖肉，泡菜嘅酸辣味滲入肉度，開胃又香口！
🦪 蒜蓉燒生蠔
生蠔size夠大，燒完都唔會縮水。面頭鋪滿蒜蓉，入口嫩滑冇腥味，蒜香十足
今餐真係食得好滿足，下次再嚟一定要encore牛小排，同試埋其他未食過嘅款式！而家仲要生啤做緊買一送一， $48有兩杯超抵，枱枱都有叫！
Post
