阿爺八鮮鍋 (Closed)

天氣開始凍，又係時間去食雞煲打邊爐啦😙今次介紹呢間可以一次過滿足晒你2個願望！首先係雞煲任食，呢度有三款雞煲可以揀，我哋就揀咗韓式芝士雞煲雞件好滑好入味，芝士都好足料💕店家唔會一次過俾好大煲，呢個做法好好，因為可以試其他味既雞煲或者係打邊爐食多啲～打邊爐都係任食😙我地揀左海鮮味湯底每枱都有一盤超級海鮮盒，包括龍蝦，大虎蝦，鮑魚等等龍蝦真係好大隻好厚肉🥹肉質鮮嫩彈牙，好鮮甜，超正🥰仲有老火湯水可以飲😚特別推介海蝦同埋蝦滑，海蝦好新鮮唔會霉，蝦滑都好足料明顯食到蝦😋仲有幾十款唔同嘅嘢食可以揀，有三份一都係海鮮，淨係食海鮮都回本😎+$20就可以任飲飲品（包括酒類）值得加！