18樓雞煲火鍋專門店

Open Now

Now Closed

心思思又想食雞煲， 今次就試下 大鴻輝呢間 18 樓 雞煲火鍋專門店。主角係雞煲，配料十足，調味剛剛好，叫了一個小辣，少少微辣，雞肉好入味，裏面嘅洋蔥、西芹絲加埋黑辣子……真係令人回味無窮，夠味但係好咸， 而且雞肉唔會過韌！食完雞煲就加湯底打邊爐，個人都喜歡食菜，呢度自助式有多款唔同嘅選擇，啱曬我！先落一些冬瓜、冬菇、粟米……再加埋合時嘅通菜，吸下雞煲上嘅雞油 ，分外惹味。肥牛水準都唔錯，肥瘦適中，厚薄剛好，肉味濃厚。呢度嘅海蝦畀我之前試過其他任食火鍋真係確係新鮮同埋十分大隻，來回叫了兩三轉，必食推介！落單用手機都係常態，最緊要係上菜速度夠快。