佢哋嘅湯底清淡且鮮甜，唔會過鹹，特別係啱鍾意簡單自然口味嘅人。
叫左個乜餸都有啲既十餸車仔面，餸料豐富，有經典嘅豬紅、蘿蔔、雞翼、陳皮魚蛋、雞翼尖、豬大腸、豬頸肉、炸魚片頭、魚肉春卷、炸腐皮蝦卷，款式多樣且新穎。當中我最欣賞既係陳皮魚皮，細細粒陳皮味又唔會令魚味冇左，蘿蔔煲得超入味，雞翼尖炆得好腍，入口即溶嘅感覺，雖然我唔係好食得辣，但係我都好鍾意食，但如果有得揀唔辣嘅就最好啦🥹
而我覺得佢哋最特別嘅係可以揀撈麵同埋蕎麥麵，而且，餸料份量充足，性價比高，尤其係經濟套餐非常適合打工仔食晏。
服務方面，員工態度熱情有禮又細心，當日員工見我食得慢個湯都冇曬既時候主動加湯俾我，真係好好。雖然經常人流多，但等待時間都唔算長。整體嚟講，何車車仔麵以其優質嘅食材、豐富嘅選擇同實惠嘅價錢，都會令我再想光顧！
1
