囍鍋蒸氣火鍋專門店 (Closed)

今晚 我地又黎左呢到食蒸氣火鍋上次試完真係難以忘懷 食材新鮮到不得了而且服務勁好 坐得又舒服 同埋最重要嘅係 價錢優惠👍🏻👍🏻👍🏻今次我地就揀左個$398 晚市餐食我地2 個人 都好多野食到 仲食到勁飽 lol小食 － 蒜香雞中翼呢個雞翼炸得好正指定海鮮 － 三文魚刺身、清蒸中蝦、蕃薯蜆刺身厚切又新鮮 隻蝦上黎嘅時候仲好新鮮 仲識郁😂😂蜆好乾淨 完全冇沙 正👍🏻👍🏻👍🏻海鮮六選二 － 鳳凰蚝、蒜茸粉絲蒸元貝 同送嘅 黑松露南非龍蝦呢個鳳凰蚝係第一次食 大隻又彈牙好味蒜茸粉絲蒸元貝 呢個真係絕配👍🏻👍🏻👍🏻送嘅 黑松露南非龍蝦 依舊都係好正 黑松露勁多 但又唔會令龍蝦冇左味🤤🤤石鍋名菜 － 加拿大肥牛片、蟲草花蒸新鮮雞估唔到蒸嘅肥牛片比打邊爐仲嫩滑 又夠牛味蟲草花昇華左雞嘅味道 蒸出黎真係好好味💖💖💖粥底揀左 － 南瓜新鮮排骨粥個粥底兩次食都係一樣咁正 吸收曬海鮮嘅鮮味 南瓜煲到爛曬 排骨又勁多 冇得彈👍🏻👍🏻甜品 － 古法馬拉糕呢到嘅點心真係好正 馬拉糕比左成底去到最後我地粥 蟲草雞 馬拉糕都食唔曬 要拎走係呢到食野 最正係 有個人會幫你睇住個爐 唔怕蒸到熟過頭而且肥牛仲有得揀幾成熟