搵搵下就搵到呢間有大閘蟹任食！
價錢都可以，$499，於是就book枱試下。
位置超方便，
銅鑼灣C出口，一出行過對面，轉右行，一分鐘都唔使就到，京都廣場上10樓。
餐廳地方唔算好大，
但格局乾淨舒服，
位置中間仲有透明膠簾，
防疫措施做足。
職員亦非常有禮，
食既過程，上菜、收碟、執枱既服務都好主動，服務不錯！
餐廳好好，提供晒拆蟹食蟹既用具、濕紙巾，仲俾埋蟹醋。
一黎先上半打，
每一隻大閘蟹都新鮮熱辣辣，
隻隻都大大隻，足3両半至4両。
嗰日主要都係蟹公，
啱晒我！本身都鐘意食蟹公多d！
爆多美味既白蟹膏！正！
平時自己買大閘蟹，
又洗又蒸又搞一大輪，
呢度放題任食，仲加上質素係真係唔錯，
超級抵食呀！
問過做到今個月底咋！
要捉緊尾巴再食！！
另外佢仲有港，日，泰180款美食放題，
刺身款式好多，樣樣都試d，
d碎冰足夠，攞盤本身都好靚！
上菜時仲加咗乾冰同水，
就好似仙境中既刺身！
刺身每樣嘢都好新鮮，又厚切，
其中珍寶赤蝦真係好大隻，
絕對無揸流灘，
賣相味道一流！
1
其他熟食主要係泰式日式，
選擇都好多，
有串燒、天婦羅、湯、沙律、燒物、炸物、炒菜、飯麵等等。
推薦芝士年糕，
天氣凍再加埋冬蔭功湯同麻辣煮花螺，好食！
甜品、飲品，亦係任食任飲。
成個飲品櫃，其中荔枝紅茶幾好。
想要熱既都有熱茶。
仲有成櫃既甜品同成櫃既雪糕🤤
我地仲好豪加左升級，
升級左更加可以任食埋法國皇家生蠔、海膽帶子、生啤任飲！
生蠔隻隻都手掌咁大，
又鮮甜爽口！海膽帶子都份量足！
2
