首先上枱嘅係「蒜蓉粉絲蒸蟶子皇」，蟶子真係好大隻，食落完全冇沙，仲好鮮甜！配上濃濃嘅蒜蓉同滑溜粉絲，真係超級惹味！🧄
接着就係「極黑豬叉燒」，用咗豬柳梅部位，即叫即燒，表面燒到微微焦香，入口軟嫩又多汁，仲帶少少甜味，好正！🐷
然後係「菊子魚」，呢道菜用咗原條沙巴龍躉2斤，配上特製柚子醬汁，味道清新又帶啲酸甜，魚肉好滑又好鮮，好開胃！🍋 推薦！！！
仲有「避風塘炒大肉蟹」，蟹肉份量十足，炒得好香口，加上大量炸蒜，蒜香味好濃，食到停唔到口！🦀
最後仲有「炸子雞」，雞皮金黃香脆，睇得出係用油淋熟，唔係炸，入面嘅肉好嫩滑，一啲都唔油膩，仲保留到豐富肉汁，好出色！🍗
成餐飯每一道菜都好有心思設計同烹調，味道又好，大家都食得好開心！如果你都想同朋友試吓呢啲特色菜，可以打電話 搵師傅幫你設計餐單！👍
