King's Delicacy (The LOHAS)

以前食片皮鴨或者小籠包，好多時會去傳統嘅北京填鴨老店或酒家品嚐，但係而家都有好多唔同嘅新派京滬菜餐廳可以選擇，我屋企附近就有呢間京滬佳餚，佢好多時都有唔同特價優惠提供，今日嘅優惠係$128孖寶，包括半隻片皮鴨及一籠六隻小籠包，正好今日兩個人，就叫一個孖寶試下😃

餐廳裝修簡潔，開放式廚房俾人一種乾淨同信心嘅保證，呢邊提供嘅座位度幾多度啊而且仲有戶外座位選擇，非常開陽舒服。

坐低點好茶後，侍應好快放上一碟小食，裏面主要係蓮藕粒、黃豆、青豆同埋少少雲耳，呢個小食幾好味，特別係蓮藕粒，非常清甜幾醒胃。

小食

好快小籠包就上檯，一籠有六隻，啲皮一望就睇得出好薄，隻隻飽滿，用筷子夾起就知道裏面幾多汁，一咬落去，成口都係肉汁，熱騰騰真係好食到不得了👍

小籠包

小籠包

食完熱辣辣嘅小籠包，片皮鴨就啱啱到，啲配料好豐富，有京蔥、西芹、紫蘿蔔、沙糖、蒜蓉及鴨醬伴黎食。片皮鴨唔係好大隻，但烤得好香，鴨皮好脆又冇乜脂肪，食落去好有鴨香但又唔會肥膩。另外個麵皮做得好薄，放上手你就睇到佢幾薄，將鴨皮、肉及伴菜醬料放埋一齊，好食到絕呀！

1

片皮鴨

呢個「$128孖寶」兩人食剛剛好，真係超值👍，不過個别服務員就真係冇乜眼神接觸，例如你叫佢加熱水，佢加完後只會即刻放低喺你枱面，但對眼係唔會望住你，做同人接觸嘅飲食行業來講，呢啲真係基本態度，希望呢啲細位會改善吧！