陳鵬鵬潮汕菜館

Open Now

Now Closed

今日同媽咪行街路過見到呢間潮州餐館，佢好鍾意食潮州菜，所以我哋就入去試吓。食潮州菜一定唔少得嘅就係滷水拼盤，叫咗佢拎獎嘅滷水鵝拼盤，份量都好多下，滷水鵝真係超級正，豆腐乾都好好食，我覺得佢嘅醬汁整得非常好，唔會太鹹亦都夠味。我媽咪就大贊佢嘅海鮮砂鍋粥，海鮮落足料，有蝦、蠔仔、蜆，啲粥煮到入晒味，我平時唔太鍾意食粥都覺得呢個粥好好味。佢個香煎金槍魚脆卜卜，但係啲肉又唔會好嚡，真係成條魚咁上，食到好飽。蠔仔烙最後一個上嘅菜，用咗薯粉去煎，令到成個餅好有咬口，比起用雞蛋煎，我自己會比較鍾意呢個口味。總括而言，下次再戰！