Video
Read full review
2024-09-29
470 views
今日同老公銅鑼灣行街，行街前先醫飽個肚，去咗呢間之前食過嘅日本餐廳，之前食過佢哋嘅lunch，估唔到而家出咗假日午市2小時放題，一於試吓。一坐下，店員先為我們奉上沙律菜，同埋每人一份的磯煮鮑魚。鮑魚好大隻，好入味又腍彈。刺身嘅選擇都OK，有三文魚，油甘魚，八魚，劍魚腩，赤蝦及帶子。啲刺身好高質，同一般嘅放題食到嘅質素好唔同，全部都好新鮮，三文魚油香豐富，劍魚腩肉質細膩柔軟爽滑，赤蝦大大隻，帶子鮮甜。炸物及燒物，呢度有雞皮餃子，吉列蠔，唐揚炸雞，燒雞翼，燒虎蝦，鯖魚等。炸麥全部都係新鮮炸起，熱辣辣。燒虎蝦一定要encore 再encore，超大隻，肉質爽口彈牙有鮮味。壽喜燒野菜鍋，有安格斯牛肉同埋日本豚肉任叫。我哋牛魔王揀咗兩份安格斯牛肉，牛肉味香濃，壽喜湯底濃郁帶少少甜，入邊配料都好足，有豆腐，冬菇，金菇，雜菌仲有日本冬粉，好味。之後仲有迷你丼可以任叫，我哋就試咗海之幸丼同埋和風牛肉丼。和風牛肉飯相當足料，個牛肉汁撈飯真係超好味。海之幸丼有雜錦魚生，仲有鮮甜嘅海膽，壽司飯以赤醋調味。食到最尾仲有甜品，牛角包窩夫配雪糕，非常邪惡。牛角包窩夫香脆可口，牛油味香，熱辣辣配上朱古力及雲呢拿雪糕
一坐下，店員先為我們奉上沙律菜，同埋每人一份的磯煮鮑魚。鮑魚好大隻，好入味又腍彈。
刺身嘅選擇都OK，有三文魚，油甘魚，八魚，劍魚腩，赤蝦及帶子。啲刺身好高質，同一般嘅放題食到嘅質素好唔同，全部都好新鮮，三文魚油香豐富，劍魚腩肉質細膩柔軟爽滑，赤蝦大大隻，帶子鮮甜。
炸物及燒物，呢度有雞皮餃子，吉列蠔，唐揚炸雞，燒雞翼，燒虎蝦，鯖魚等。炸麥全部都係新鮮炸起，熱辣辣。燒虎蝦一定要encore 再encore，超大隻，肉質爽口彈牙有鮮味。
壽喜燒野菜鍋，有安格斯牛肉同埋日本豚肉任叫。我哋牛魔王揀咗兩份安格斯牛肉，牛肉味香濃，壽喜湯底濃郁帶少少甜，入邊配料都好足，有豆腐，冬菇，金菇，雜菌仲有日本冬粉，好味。
之後仲有迷你丼可以任叫，我哋就試咗海之幸丼同埋和風牛肉丼。和風牛肉飯相當足料，個牛肉汁撈飯真係超好味。
海之幸丼有雜錦魚生，仲有鮮甜嘅海膽，壽司飯以赤醋調味。
食到最尾仲有甜品，牛角包窩夫配雪糕，非常邪惡。牛角包窩夫香脆可口，牛油味香，熱辣辣配上朱古力及雲呢拿雪糕，正。
呢度汽水橙汁同埋咖啡都係任叫，食飽可以慢慢嘆番杯。另外呢度仲有有清酒任飲，逢星期三及日男士 /女士 $98 3 小時清酒任飲。
總括而言，呢度嘅放題食物選擇不算超多，但係質素係超級好，性價比唔錯。
Post
