榮哥煮場 (Closed)

今日襯早收工出旺角揾食，發現了一間物超所值餐廳。餐廳鄰近旺角站，交通方便。我地一行人叫左個兩人套餐，套餐包括一款前菜，酸辣木耳，配上醬汁，酸酸辣辣，是十分好的開胃菜。另外自選一個煲，今次我地揀左花膠鷄煲，煲份量十足，香味撲鼻而來，花膠相當有膠質，鷄件經過預先炮製，類似鹽焗鷄味，而最精華係清甜的湯底，差些連個煲都清埋。此外仲可以自選一款小菜，我地選擇左酸甜藍莓骨，本來以為同坊間咕嚕骨差不多，但食落令我喜出望外，入口酸酸甜甜兼相當脆口，别具一番特色。甜品係薏米糖水，甜度適中，實為飯後好選擇。