壹蒸鍋

Open Now

Now Closed

由於今晚我們做嘢做到好夜差唔多11點幾12點，好多食店都收晒工，唔知有咩食？嗰刻我們突然諗起已經有一段時間無去喺旺角兆萬中心嘅「壹蒸鍋」收凌晨2點定3點，所以我們就決定去食宵夜蒸海鮮粥底火鍋！同以前一樣，我們揀咗爹哋最愛嘅瑤柱蠔仔粥底鍋！一開始係食咗頂層嘅海鮮拼盤先，所有海鮮材料都超新鮮，當中我們最鍾意嘅係鮑魚，因肉質非常爽滑彈牙，味道極之鮮甜，而且好大隻！食完頂層所有海鮮之後，所以海鮮嘅精華都流晒入啲粥底入面，令到原本已經好鮮甜嘅蠔仔粥底更加鮮味，之後再將所有食材放入粥底入面，除咗可以食到每樣食材原本嘅鮮味之外，仲可以食到沾滿晒表面好香滑軟綿嘅粥，真係好正呀！另外！今次仲以前多咗串燒食物，而且係唔需要另外收費，因刺身類係需要另外收費，所以感覺比以前抵食咗！串燒食物亦製作得好出色，師傅燒嘅時間火候控制得恰到好處，唔會燒到過晒火，當中最正嘅係燒冬菇，質感相當軟滑，而且超多汁，真係超正呀！