大越越南餐廳

Open Now

Now Closed

計吓計吓，原來自己有一段時間冇食越南野，今次經開沙田圍，就決定去大越越南餐廳試下。坐底望望menu就order左二人海南雞套餐，另加蜆港番茄牛腩飯，飲品有椰青及凍檸檬茶。二人海南雞套餐包括馬拉盞通菜、海南雞例牌一份、大越火車頭河粉。馬拉盞超級惹味，配新鮮通菜食一流。海南雞肉好嫩滑，而且冇肥膏，雞皮超滑，點特製醬汁食好開胃。大越火車頭河粉有牛丸、牛筋、牛腩片、生牛肉及牛栢葉，份量極多且牛味濃，最緊要湯底夠鮮，河粉夠爽滑。蜆港番茄牛腩飯嘅牛腩好多，而且牛腩長時間忟煮所以好腍好入味，加埋新鮮番茄醬撈飯食冇得彈。鮮椰青去食越南野必叫，好fresh好解暑。