潮州鹵漢大飯店 (Closed)

我哋揀嘅係C餐<海鮮初體驗>，順帶一提，C餐同D餐先有包埋潮汕汁醃！醬醃鹹鮮味道平衡，冰冰涼涼令人胃口大開🙆🏻‍♀️海鮮款式多樣，包括時令蟶子、鮮花甲、海蝦、海鮮雜薈、生魚片同埋時令海鮮🐟🦐蟶子肉厚爽彈，滋味十足！花甲鮮甜又入味，清脆爽口，下酒一流🍻海蝦鮮香嫩滑，絲毫冇腥味👍🏻海鮮雜薈全部都好新鮮，醬汁都幾辣🌶食得好過癮！脆鯇骨腩口感爽脆，同芫荽皮蛋湯底非常之夾！另外自助區超多火鍋配料任拎，攞咗少少蟹柳、竹輪卷、墨魚丸同午餐肉。其中墨魚丸最出色👏🏻魚味濃郁，食得出用料十足，同出面貨色明顯有別！總括而言，餐廳裝修新派，座位闊落舒適。湯底選擇較多（有9款），熟食、甜品同飲料亦種類繁多，更有提供自家製款式。放題嚟講用料上乘唔嬉場，男女老幼口味都迎合到🥰