第五街冰室 (Closed)

喺運動場打完波，意外發現依家超高質冰室！見佢門面光鮮整潔，乾乾淨淨咁，食物選擇亦非常多，不妨一試晚飯時間有多款小菜，價錢大眾化，另外仲有唔少海鮮選擇😎😎例湯清甜，好多湯渣，啱晒我，合掌瓜夠晒清潤京都肉排份量比想像多，啖啖肉，醬汁做得到位，係經典嘅大排檔小菜，唔錯👍🏼豆腐雙腩煲啱晒貪心嘅人，除咗豆腐之外，有斑腩同埋火腩，又想食魚，又想食肉，再食埋個豆腐都仲得，非常抵食必食！椒鹽墨魚仔從來未見過咁大隻墨魚仔！每一隻都非常厚肉，口感超級正！椒鹽效果做到好香脆，令我對依間餐廳嘅出品刮目相看！一定有下次！係波友嘅說服下，再叫埋杯黑牛😆😆懷舊得來，夠晒爽😎😎