Sleepless (Closed)

銅鑼灣呢區本身都多cafe，之前聽朋友推介過呢間，今日一場黎到就試試佢啦。一入到黎環境已經幾舒服，果然係鬧市中既一刻寧靜。估唔到前菜都可以咁豐富哈哈！我地叫左個大啡菇，一人一大粒，滿滿既芝士，身為芝士控既我表示滿意！！大啡菇一咬落去厚身多汁！跟住我地仲叫左個脆薯包蝦既小食（英文係Crispy potato wrapped shrimp😂）佢好似一條超級長既薯條包住隻蝦咁，非常有新意。食落去係新觧炸起，好脆口！同埋隻蝦又係勁大隻，超抵食～之後我地一人叫左一個主食，分別係一個煙三文魚蟹肉Risotto同埋牛油藍青口。好有驚喜呀～個Risotto既濕度適中，同埋真係大大塊煙三文魚咁比你，當然一路食ｄ飯都會食到d蟹肉啦！如果你想叫多ｄ唔同既小食，其實呢個main兩個人share食都得！跟住個藍青口先癲，一見到已經忍唔住哇左一聲。擺盤勁靚，超級整齊，岩晒ｄ有強逼症既朋友😂😂不過講番食物質素先，藍青口本身係細隻既，不過佢食落都唔會太乾身（有時出面食d冇咁新鮮既藍青口呢，個口感會比較乾身同梅梅地既樣）。同埋佢用牛油去整，配起身食落更加鮮甜，好鍾意呢道菜。最後我地share左個甜品，佢個自家制焦糖脆脆