醉胡爐 (Moved) New Location

今晚去了間質素高嘅火鍋店食飯，不是任食的但服務同食物質素高，想對價錢都算合理！這裡位置旺中帶靜，絕對不難搵到！餐廳座位闊落舒適，有不同嘅獨立房間，絕對夠晒私隱，疫情其間食得更加安心！本身火鍋湯底就係招牌鮮椰青雞鍋，店員用熟練手法將雞件在銅鍋內先炒，後再加酒點火，酒香即時揮發撲鼻，十分吸晴，之後再加入新鮮椰青水，同個椰香湯底，就咁望已經好吸引，個鍋一滾，當然要飲返碗香濃椰青雞湯，加埋大大件香軟雞件，入口肉質嫩滑軟熟！哩個真係絕對推介，夠晒滋潤！還有今晚店員推介的極黑牛肉拼青龍，一份靚仔嘅極黑牛肉。雪花均勻分佈在牛肉上，浸到椰青雞湯中，吸收了湯中椰香，入口更加嫩滑軟熟，另外隻青龍蝦已經開邊，放到湯中滾熟，肉質結實，入口十分彈牙爽口新味，最緊要係啖啖肉加上個湯，哩個組合抵食！雖然愛吃肉但都點了個蔬菜拼盤，加埋個濃湯入口，就真係十分滿足！下次要多啲人一齊到這裡，先可以點多些不同款式食物！