經朋友推薦嚟到呢一間餐廳
入到嚟間隔都好寬闊
俾人一種好舒服的感覺
店員都好好介紹咗新嘅菜單
呢個菜單嘅菜式，貼合最近炎熱嘅天氣
所以都見到有好多前菜 亦都有啲特色嘢飲
等大家喺炎炎夏日都可以消暑
重點係價錢好抵
通常出去食個韓國菜呢個百零蚊
呢度70到$80都搞得掂！
首先揀咗一個烤肉定食
特色嘢飲，選擇咗百香果梳打
同埋佢哋嘅手作雪糕
1
牛肉用鐵板上菜
熱辣辣仲有洋蔥墊底
牛肉都唔會過熟 加埋燒汁調味
一上台就香噴噴
牛肉非常juicy軟腍！
另外都叫咗個韓式豬手
豬手軟腍彈牙 充滿骨膠原
仲要超大份 生菜任加
配菜仲有芽菜同埋泡菜
好fresh !
咖啡味雪糕又滑又綿
好有texture
果然手作嘅就係同平時唔同！
