梨滿園韓國料理 (Closed)

以前大學返九龍塘，最鍾意跟一班同學仔去樂富食飯，而<梨滿園韓國料理>係我經常去的餐廳，因為出名抵食。今日突然想重遊舊地，所以即興約好友去食韓燒放題雖然有段時間沒來，但價錢仍然$188一位，咁抵的韓燒餐廳相信只此一間！一入到餐廳，服務員就非常殷勤地為我地放置一碟碟的前菜，有酸蘿蔔，泡菜，大豆芽菜等，全部都係開胃小菜，岩晒等燒肉的時候食！雖然餐單不像日式放題咁多頁，但只要說得出的韓國食物，呢度都食得到，而且仲有壽司刺身！下單後等了約五分鐘，一碼碟的肉就送到了！由於我同朋友都是食肉獸，所以差唔多每款肉都有叫。至於味道亦沒令人失望，未入口已經聞到陣陣牛肉的香味，而且食物非常新鮮，燒出來充滿肉汁，吃落爽口彈牙，完全不用擔心難咬口或有羶味，而我個人就最愛燒牛脷，薄薄的一片，不需咀嚼太多，已經溶化在口中，而且本身的味道已非常入味，所以我沒有添加任何醬料，真正品嘗它的原汁原味！吃得肉多，當然要叫一些湯麵來中和一下，所以叫了海帶湯同韓式冷面。海帶湯熱騰騰的，每吃一口都感覺到一股暖流，而且味道跟韓國吃到的一樣！至於韓式冷面是我每次吃韓國菜都必叫的，味道雖然清淡，但一邊伴肉吃是不錯的配搭呢！