咖吔

Open Now

Now Closed

香港一直都好少星加坡菜，最近見到好多人介紹呢間喺沙田嘅新加坡菜，不過因為住得唔近沙田，所以冇機會嚟試。好彩今日咁啱喺沙田做嘢，終於可以嚟試吓啦。一去到，環境比我想像中好好多，好多都係卡位而且座位好闊落，播住輕快嘅歌曲，而且侍應都好好禮貌。一坐低因為太口渴就忍唔住叫咗飲品先，呢個芒果汁配芒果雪糕真係好消暑，夏天飲又開胃又解渴。因為同朋友都唔係太肚餓，所以我哋就叫咗個香芒大蝦米紙卷，估唔到佢嘅賣相咁靚，而且仲有六嚿，份量真係好多。每嚿米紙卷都包住好多唔同嘅蔬菜有紅蘿蔔青瓜同埋大蝦，係一個好開胃嘅選擇。另外我哋仲叫咗呢個五彩自家手帶蝦餅，一上枱大家都比佢嘅賣相吸引咗，佢整到好似一個冬甩咁，而且面頭仲鋪左好多星星嘅碎片，真係好適合打卡。而且估唔到除咗靚之外，佢食落都好好味，蝦味好足，而且食落好新鮮，非常推介大家試吓呢個。呢間餐廳又抵食又正宗，而且賣相又靚，好適合情侶拍拖或者同朋友嚟食呀。