巷仔見麵館 (軒尼詩大廈) (Closed)

呢間巷仔見好方便，銅鑼灣站b出口一出，望過對面馬路一樓就係啦。雖然喺銅鑼灣鬧市，但價錢絕對比想像中平。食個糖水十幾蚊，平平地四五十蚊就有個麵交易啦，好抵！一樓全層都係佢既，坐得舒服，又唔會太嘈太多人。蜜汁燒豬頸肉（$58）賣相幾吸引，每舊都沾上左甜甜的蜜汁，幾開胃。發現呢度上菜速度都好快，落完單野食好快到得七七八八了。唔係熱食，但都OK馬拉盞時菜牛肉煲（$72）呢碟菜有驚喜，上菜時煲仔熱辣辣，噴晒煙，滋滋聲好治癒。醬汁味道濃郁，通菜索晒醬料味，重口味之選👍🏻椰皇姬松茸燉湯 （+18）食完咁多肉，追加18蚊要個燉湯都好抵呀湯入面有紅棗姬松茸杞子同煲湯豬肉，菇味好重，香噴噴。最抵嘅係燉湯連埋椰皇上，好香椰子味，椰子肉非常嫩滑，啖啖食唔停😋皇子乳鴿兩隻 （$78）都係唔錯嘅選。擇上碟時已經斬好四件，方便食。同生炸比，佢嘅皮冇咁脆，不過肉質都算嫩滑，唔羶，幾有鴿味。無骨海南雞半隻 $128 （+$18配飯及熱咖啡）雞件斬開細細一件好易食。就咁望油脂比例都平衡的。始終唔係招牌菜，相對正常。醬汁要求唔太高的話，用黎餸飯都唔錯。仙氣冰鎮奶茶 （$22）我會用氣勢逼人來形容，打卡之選。奶味較濃，幼滑。