阿四車仔麵 (Closed)

平時成日都經過見到好多人買車仔麵，今日一試真係好味喎，仲要抵食又大件。滷水腩肉，咖哩魷魚，豬腸，炸墨魚卷我叫咗呢四款，腩肉係有兩大舊，肥瘦分明而且食落唔油，滷水入哂味再加埋肉質夠嫩! 咖哩魷魚調味岩岩好，辣味唔會過多魷魚又彈牙。豬腸係九轉腸仲好入味，一啲都唔油膩。最後炸墨魚卷都好出色，新鮮即炸夠哂脆。朋友食既貢丸，蘿蔔，蟹柳都好高質，食左佢一粒貢丸，好彈牙同埋菇味濃郁!另外再叫個油菜同滷水雞翼，生菜好新鮮同埋爽口，少少蠔油吊味已經好正。雞翼亦都係好入味，不過略嫌唔夠熱，如果唔係就真係超正!另外佢既樽仔奶茶都好好飲，唔太甜而且奶同茶既比例幾好，茶底濃奶又滑。