湄南.河泰式船麵 (Closed)

太耐無去泰國旅行，好掛住船麵，聽朋友講荃灣有間餐廳嘅傳統船麵幾有水準，餐廳廚師來自泰北，食材同香料從泰國入口，還原地道泰國風味，而且價錢相宜，值得一試😚之前餐廳舉行「我要食十碗」船麵競食挑戰賽，上榜就有禮券送，活動完結冠軍仲可以全年免費食麵，都幾有gimmick😆餐廳提供嘅選擇好多，但我都係想食船麵多啲，諗緊揀細定大好，同行朋友話小朋友先做選擇，一於叫哂兩個size湄南大船麵，超足料，有鴨血、扎肉、泰式魚/豬/牛丸，最重要係炸豬皮，湯底好濃郁3小碗船麵，係泰國細細碗嘅特色，麵（金邊粉、河粉、米粉），湯底（清湯、船湯、麻辣湯、冬蔭功湯）同多款配料自由組合，適合食量少但多心嘅朋友。河粉順滑，煮嘅時間拿捏得好，各款湯各有特色，飲得出係用心熬製，好地道，$5x有3碗同咁嘅質素真係好抵😋惠顧粉麵飯可享優惠價加配小食，我地叫左泰式蝦餅同酸辣無骨鳳爪沙律。蝦餅即叫即炸，入口彈牙，鳳爪嘅酸辣調味比例做得唔錯仲叫多左個秘製燒豬頸肉，外層微焦，唔會燒到乾爭爭，內層嫩滑又唔會太肥成餐飯加埋野飲先係200幾，好抵食！😍