竹島水產 西日放題 (Closed)

餐廳個裝修都幾靚，有少少工業風，座位都唔少。午市定食都有唔少選擇，有魚生飯、壽司同熟食等等。不過天氣實在太凍啦，同魚生飯冇緣，就叫個熟食定食。見到其他人食魚生飯，又好想食魚生，就決定食油甘魚刺身。油甘魚雖然唔係厚切，不過味道好好，味道濃郁，油脂豐富。一見到個鰻魚炒飯真係嚇一嚇，份量超大，對女仔來就，差不多是二人份量。炒飯上面有大量紫菜、木魚絲同青蔥，三種配料同炒飯又十分配合，增添左炒飯既香氣。炒飯中既主角鰻魚都好正，係又厚又大大粒，而且風味十足，口感又有點彈牙。有少少似半自助式，飲品、湯同甜品係自已出去拎，原來因爲晚市係做放題，所以有咁既安排。估唔到蛋糕咁好食，超濃厚的芝麻同綠茶味，忌廉又夠滑。