阿爺八鮮鍋 (Closed)

今次再嚟到喺登打士商場嘅阿爺八鮮鍋，三百幾蚊嘅價錢任食海鮮，真係無乜邊度有😙所以決定再食☺️ 入座後，餐廳首先會有一壺秘製老火湯俾客人飲，嚐過湯後就可以食咗個花膠雞煲先~ 花膠雞煲🐔🥘 十分惹味，但為咗之後任食嘅部分，所以無再添加。 食完雞煲就到重頭戲，任食部分依然吸引😍首先，揀咗昆布海鮮湯做火鍋湯底 ，有多款生猛海鮮任食👍 小編最鐘意就係蟶子，新鮮鮮甜之餘，仲要非常乾淨，完全無沙，要encore再encore😆 新鮮鮑魚、生蠔、花甲都非常唔錯👍鍾意食海鮮嘅朋友仔真係要盡情地食！😆 除咗海鮮之餘，其他火鍋配料都一樣高質，極力推薦大家試試自家製黑松露墨魚滑👍👍 ，咬落彈牙，而且有好香濃嘅黑松露味。食物好高質，豐富程度真係講都講唔晒，大家真係要自己嚟體驗下😋 另外，每人一份附送海鮮拼盤(龍蝦、元貝、南非鮑魚，每份每人各一隻)。 以呢個價錢，食到咁多海鮮係好滿足！超級滿足嘅火鍋晚餐！海鮮非常新鮮！質素極高，極力推介😊😍阿爺八鮮鍋旺角登打士街43H號登打士廣場3樓