竹島水產 西日放題 (Closed)

宜家放題開到成行成巿, 好多都已經脹哂價, 今日見到呢間西日放題148蚊位咁平, 仲要包埋邊爐, 唔怪得之咁多人等位啦。一坐低就有個小鍋, 湯底係龍蝦湯, 即刻嗌左配料烚下先。鮮蝦大隻爽口, 食左好多又嗌左生根同生菜, 十分新鮮, 吸哂龍蝦湯好好味食放題又點少得嗌天婦羅呢, 呢度有樣特別既美食叫榴蓮波波, 外皮煙韌甜甜地, 入面係滿滿既香滑榴蓮蓉, 鐘意榴蓮既朋友必嗌呀另外芝士年糕都好多芝士呀日式料理既蒜香一口牛有洋蔥伴炒, 好香口惹味, 牛肉彈牙有牛味。清酒煮蜆蜆肉粒粒飽滿, 大隻鮮味無沙, 有淡淡酒味。火炙鰻魚壽司燒過有焦香鰻魚入口即溶, 軟殼蟹卷中間舊軟殼蟹好大件炸得好脆最後不得不提係佢仲有Haggen daz雪糕食, 真係回哂本啦。